Три лица се полесно повредени во централен Израел во денешниот ирански напад со балистички ракети, соопштија здравствените власти.
Израелската војска соопшти дека распоредила сили за пребарување и спасување на местата каде што паднале пресретнати фрагменти од ракети и делови од касетни бомби, предизвикувајќи повреди и штети, објави „Тајмс оф Израел“.
Војската, исто така, соопшти дека цивилите во областите каде што претходно се огласувале сирени сега можат да ги напуштат засолништата, но дека сепак треба да останат во нивна близина, објави израелскиот портал.