Шест мигранти биле пронајдени во автомобил на автопатот Скопје – Куманово, а возачот е уапсен, информира денеска Министерството за внатрешни работи.
– На бензинска пумпа на автопатот Скопје – Куманово, полициски службеници го уапсија О.К. (33) од Турција, затоа што со возило „шкода“ превезуваше шест лица, мигранти, тројца од Египет и тројца од Алжир, се вели во соопштението од МВР.
Претходно, на наплатната станица „Романовце“, О.К. тој не застанал на даден знак од полициските службеници. Но, по преземени мерки, возилото е пронајдено, О.К. е уапсен и по документирање на случајот, против него ќе биде поднесена соодветна кривична пријава, најави МВР.