Обилните снежни врнежи предизвикаа сериозни проблеми низ Австрија, при што најпогодени се источните и јужните делови на земјата. На автопатите се создадоа долги колони, а стотици камиони останаа заглавени поради лошите временски услови.
Во алпската покраина Тирол, лавина затрупа автобус во кој има 11 патници. Нема повредени, но службите интервенираа поради опасноста од нови одрони на снег.
Поради екстремните услови, властите ја затворија обиколницата на Виена во двата правци, а расчистувањето на снегот и натаму е во тек.
Во јужните региони, тежок и влажен снег предизвика прекини во електроснабдувањето откако гранки и дрвја паѓаа врз далноводи. Повеќе од 4.000 домаќинства останаа без струја.
Работата беше нарушена и на Меѓународниот аеродром во Виена, каде авиосообраќајот привремено беше прекинат. Од 117 планирани летови, 19 беа откажани, а властите предупредуваат дека се можни дополнителни доцнења поради продолжувањето на снежната бура.
Надлежните апелираат граѓаните да избегнуваат непотребни патувања додека траат неповолните временски услови.