Сериозен инцидент се случи на улицата Караѓорѓева во Белград, при што се повредени вкупно шест млади лица, меѓу кои и еден малолетник кој e тешкo повредeн.
Според досега достапните информации, пет лица на возраст од околу 20 години се здобиле со повреди и се пренесени во Ургентниот центар за укажување лекарска помош. Најтешко е повредено 15-годишно момче, кое е избодено со нож и со повеќекратни сериозни повреди итно е транспортирано во Детската универзитетска клиника.
Малолетникот веднаш е подложен на хируршка интервенција, а лекарите се борат за неговиот живот.
На местото на настанот интервенираа екипи на Итната медицинска помош и полициски службеници. Надлежните органи започнаа истрага за утврдување на околностите и мотивите за нападот, а полицијата интензивно работи на расветлување на случајот.
