Сериозен инцидент се случи вчера претпладне во едно основно училиште во Белград, кога ученик од шесто одделение изгуби свест додека си играше со врсник во училишната соблекувална.
Според неофицијални информации, сè се случи за време на часот по физичко образование, додека двајца 12-годишници од истото одделение беа во соблекувалната.
Едниот предложи да го дави другиот со рацете, на што вториот се согласи, несвесен дека ситуацијата може да заврши со сериозни последици.
За време на оваа опасна „игра“, момчето изгуби свест, а потоа почна да му тече крв од носот.
Кога сфатил што се случи, друг ученик веднаш истрча по помош и го извести наставникот по физичко образование.
Наставникот реагираше веднаш, а за инцидентот беа известени директорот на училиштето, училишниот полицаец и итните служби.
– Штом стана јасно дека ситуацијата е сериозна, веднаш беше побарана помош и беа известени сите надлежни органи – изјави извор запознаен со случајот.
Екипа на итната помош набрзо пристигна во училиштето, по што момчето, кое претходно беше без свест, беше пренесено во детска болница – при што во меѓувреме дојде при свест – во придружба на неговата мајка, за понатамошни прегледи и проценка на здравствената состојба.
Медицинска помош му беше потребна и на уште еден ученик, кој по инцидентот беше видно вознемирен и во состојба на тежок шок, пренесуваат српските медиуми.