Филипче: СДСМ со предлог законски решенија за минимална плата од 600 евра и замрзнати плати за функционерите

Од:

Претседателот на СДСМ, д-р Венко Филипче, денеска на прес-конференција соопшти дека партијата ќе поднесе нови законски решенија во Собранието, со кои предлага зголемување на минималната плата на 600 евра нето, како и замрзнување на платите на функционерите.

Филипче потсети дека на крајот на 2024 година СДСМ веќе поднела предлог-закон за зголемување на минималната плата, кој тогаш не бил прифатен од власта. Како што рече, новите предлог-решенија се подготвени поради влошената економска состојба, растот на цените и зголемените трошоци за живот.

Според него, минималната плата во земјава во моментов е најниска во регионот, додека во соседните држави веќе е евидентиран раст. Тој нагласи дека инфлацијата и зголемувањето на цените сериозно го намалуваат животниот стандард на граѓаните.

Филипче истакна дека СДСМ е отворена за соработка со Сојузот на синдикати и ги повика нивните претставници да дадат сугестии за предложените законски измени. Како што рече, целта е да се одговори на реалните потреби на работниците и да се обезбеди повисок животен стандард.

Тој изрази очекување дека овојпат власта ќе ги прифати предложените законски измени.

Би можело да ве интересира

Филипче: Мицкоски да одговори зошто со законски измени се брише одредбата за уплата на 6% во вториот столб?

Бројките се немилосрдни и ги демантираат СДС, ДЗС вчера објави дека реалната нето-плата во септември пораснала за над 5%

СДСМ: Крпен живот, кошничката се доближи до 71.000 денари – само за храна се потребни 26.000 денари

ВМРО-ДПМНЕ: Филипче и СДС продолжуваат со лагите и манипулациите за Алта банка, овој пат јавната аукција сакаат да ја претстават како тајна зделка

Филипче на Конференција за проширувањето на ЕУ во Унгарија

(ВИДЕО) СДСМ со амандмани бара 2.500 денари повеќе месечно за студентски оброк и стипендии од 8.000 денари