Реза Пахлави, син на последниот шах на Иран, кој беше соборен во Исламската револуција во 1979 година, денес изјави дека американскиот претседател Доналд Трамп е „подготвен да им помогне“ на демонстрантите во Иран, додека антивладините демонстрации се шират низ целата земја.
– Светот денес стои зад вашата национална револуција и се восхитува на вашата храброст. Особено претседателот Трамп, како лидер на слободниот свет, внимателно ја следеше вашата неопислива храброст и изјави дека е подготвен да ви помогне, рече Пахлави во видео порака објавена денес, објави Си-Ен-Ен.
Тој ги повика демонстрантите да „не ги напуштаат улиците“.
„Моето срце е со вас. Знам дека наскоро ќе бидам со вас“, додаде Пахлави.
Пахлави рече дека „веродостојните извештаи“ укажуваат дека Иран „се соочува со сериозен недостиг на платеници за да се соочи со милионите луѓе на улиците“. Американскиот претседател Доналд Трамп во објава на социјалните мрежи изјави дека САД се подготвени да му помогнат на иранскиот народ, без да прецизира како би можела да изгледа таа помош, во знак на солидарност со оние што се спротивставуваат на иранскиот режим во протестите што избувнаа на 28 декември минатата година, поради падот на вредноста на иранската валута и тешката економска состојба во земјата.