На овогодинешниот самит на ЕУ, Европа ќе најде заеднички став за тоа како да се финансираат воените напори на Украина, изјави денес францускиот претседател Емануел Макрон.
– Европската комисија предложи неколку опции и започнати се важни дискусии за тоа како да се користат руските средства. Мислам дека треба да ги собереме сите и да заземеме заеднички став, изјави Макрон, објави Ројтерс.
Лидерите на Европската унија денес разговараат за начините за финансирање на Украина за периодот 2026-2027 година, а полскиот премиер Доналд Туск предупреди дека Европа се соочува со избор помеѓу „пари денес или крв утре“.