Рускиот претседател Владимир Путин изјави денес, пред средбата со индискиот премиер Нарендра Моди во Њу Делхи, дека енергетската соработка меѓу Русија и Индија не е засегната од моменталните услови, привремените политички промени или трагичните настани во Украина.
„На некои актери не им се допаѓа растечката улога на Индија на меѓународните пазари поради нејзините врски со Русија. Повеќе од 90 проценти од трансакциите меѓу Индија и Русија се извршуваат во национални валути“, рече Путин, според порталот „Индија тудеј“.
Тој рече дека има одреден пад на вкупниот трговски промет во првите девет месеци од оваа година, но дека тој е на повеќе или помалку исто ниво како и претходно.