Фудбалерите на Интер и Милан утре ќе го одииграат градското дерби во Серија А во рамки на 12-то коло. Интер моментно е водечки тим во лигата, а Милан, со два бода помалку од својот градски ривал, е на третото место во италијанското првенство.
Тимот на Лука Модриќ би можел да стигне до првото место ако биде поуспешен од Интер и ако второпласираната Рома се соочи со неуспех на гостински терен кај Кремонезе.
Во пресрет на дербито, Газета им посвети текст на играчите кои играа во дербито по 40-годишна возраст, кое, секако, е базирано на Модриќ.
„Тие се играчи кои му пркосат на времето и се чини дека се подмладуваат. Можеби нивните брчки се видливи, а нивните мускули се малку покревки, но кога рефлекторите на Сан Сиро се вклучуваат, тие повторно ја откриваат енергијата што им пркоси на возраста во документите. Лука Модриќ ќе биде четвртиот 40-годишник што ќе игра во миланското дерби по Малдини, Занети и Ибрахимовиќ, како штафетна трка помеѓу генерацијата X и миленијалците. Со еден исклучок, Костакурта, кој го играше дербито на 39 години“ – пишува „Газета“.
Доаѓањето на Лука Модриќ на Сан Сиро веќе од многумина е истакнувано како најдобрата работа што ја заврши Милан ова лето, а хрватскиот капитен за многу краток временски период ја презеде главната улога во соблекувалната и на теренот и уште еднаш покажа каков играч е.
На Самитот за социјален фудбал во Торино, спортскиот директор на Милан, Игли Тара, не можеше да избегне прашања за Модриќ и неговото влијание врз тимот.
„Лука има нетипичен карактер, а да го видите како слави во соблекувалната како десетгодишно дете по победата е најдобрата работа на светот“, кратко рече спортскиот директор на Милан.