Албанскиот претседател, Бајрам Бегај, денеска го примил на средба лидрот на ДУИ, Али Ахмети, кој е во Тирана за да учествува на протестот на Организацијата на ветерани на ОВК.
– Со Али Ахмети развоваравме за праведната војна на ОВК, која имаше и има едногласна поддршка од Албанците и нашите западни сојузници. Разговаравме за поблиска соработка, зголемување на улогата на албанскиот фактор во регионот, како и за значајниот придонес на овој фактор во процесот на европска интеграција и поддршката што Албанците насекаде во регионот ја даваат на овој процес, објави Бегај на ФБ.
Претседателот Бегај се задржал на меѓусебна соработка и единство по прашања поврзани со националниот идентитет, мирот, безбедноста и просперитетот на Западен Балкан и неговата евроатлантска интеграција.
Тој ја гарантирал поддршката на Албанија за албанскиот политички фактор во регионот и напорите за обезбедување подобар живот за нејзините граѓани“.