Српскиот тенисер Новак Ѓоковиќ беше поразен вечерва во полуфиналето на егзибицискиот турнир „Six Kings Slam“ во Ријад од Италијанецот Јаник Синер со резултат 6:4, 6:2.
Мечот траеше 63 минути, а Ѓоковиќ беше поразен од Италијанецот по седми пат по ред.
На Синер му беше потребен еден брејк во првиот сет за да поведе, додека триумфот го обезбеди со два брејка во вториот сет.
Италијанецот ќе игра во финалето против Шпанецот Карлос Алкараз, кој претходно го победи Американецот Тејлор Фриц со 6:4, 6:2.