Утринава во северниот дел на Минхен се слушнаа неколку експлозии и истрели, објави весникот „Билд“. Според достапните информации, специјалните полициски сили и експертите за деактивирање бомби веднаш се испратени на местото на настанот.
Германските медиуми објавија дека во инцидентот се пронајдени неколку жртви. Меѓу нив е и телото на еден маж, како и уште едно лице со прострелни рани. Околностите на трагедијата сè уште не се целосно разјаснети.
Полицијата блокираше голема површина околу местото на инцидентот и апелираше до граѓаните да ја избегнуваат областа или да најдат алтернативни патишта. Во исто време, безбедносните сили продолжуваат со обемна операција на терен.
Жителите на Минхен чекаат нови информации за инцидентот, додека истрагата за причините и можните сторители на инцидентот сè уште е во тек.
