Бура со обилни врнежи од дожд што ја погоди источна Шпанија предизвика откажувања на летови и затворање на училишта, особено во регионот Валенсија, каде што е на сила портокалово предупредување за екстремни временски ризици, при што врнежите достигнаа до 180 литри на квадратен метар за дванаесет часа, објавува Ефе.
Според портпаролот на Националната метеоролошка агенција (Аемет), Рубен дел Кампо, се очекува ситуацијата да биде „многу неповолна“ во текот на денот во источниот дел на Иберискиот Полуостров, а врнежите од дожд по должината на медитеранскиот брег на Шпанија се очекува да надминат 300 литри на квадратен метар.
Се очекува бурата да ги погоди Балеарските Острови почнувајќи од утре, каде што предупредувањето за екстремни временски услови ќе биде зголемено на портокалово.