Високата претставничка на Европската Унија за надворешни работи и безбедносна политика, Каја Калас, денес изјави дека изјавите на претседателот на Соединетите Американски Држави Доналд Трамп во врска со Украина и Русија се многу позитивни, нагласувајќи дека неговите ставови се поддржани и од европските лидери.
„Ние сме многу позитивни по ова прашање, бидејќи сите овие се правилни работи. Да, треба да престанеме да купуваме руска енергија. Да, Украина треба да ја добие војната“, рече Калас во Њујорк, објави Ројтерс.
Таа додаде дека изјавите на Трамп се „многу силни“ и дека претходно не биле слушнати во такви формати, нагласувајќи колку е важно европските и американските позиции сега да се усогласат, пренесува Танјуг.