Израел изврши уште еден тежок напад врз Газа Сити во текот на ноќта, изјавија сведоци за АФП, откако американскиот државен секретар Марко Рубио ја поддржа офанзивата на Израел во опустошената област.
„Има силно, немилосрдно бомбардирање на Газа Сити“, рече сведокот Ахмед Газал, додавајќи дека куќите се уништени, а жителите се заробени под урнатините. „Можеме да ги чуеме нивните крици“, рече 25-годишен жител на Газа.
هربا من القصف الإسرائيلي.. عائلات فلسطينية تفترش الأرصفة في غزة بحثا عن مكان آمن#فلسطين#غزة#قناة_الحدث pic.twitter.com/vqHy0qeVJ8
— ا لـحـدث (@AlHadath) September 16, 2025
Махмуд Басал, портпарол на Цивилната одбрана, предводена од Хамас, во Газа, за АФП изјави дека „бомбардирањето сè уште е силно низ Газа Сити, а бројот на мртви и ранети продолжува да расте“.
По извештаите на палестинските медиуми за интензивно бомбардирање во Газа Сити, израелскиот министер за одбрана Израел Кац рече дека израелските војници „храбро се борат за да создадат услови за ослободување на заложниците и пораз на Хамас“.
„Газа Сити гори. Израелските одбранбени сили ја удираат терористичката инфраструктура со железна тупаница“, рече тој во соопштението. „Нема да попуштиме ниту да се откажеме додека мисијата не биде завршена“, додаде Кац.
Американскиот новински веб-сајт „Аксиос“ ги цитираше израелските претставници кои изјавија дека операцијата го означи почетокот на копнена офанзива во најголемиот град во Појасот Газа.
Израелските воени авиони извршија речиси континуирани напади врз Газа во текот на ноќта, придружени со артилериски оган, објави палестинската новинска агенција WAFA. Палестинските медиуми објавија дека тенковите подоцна влегле во градот, каде што се верува дека се уште стотици илјади луѓе. Израелската војска не го потврди ова.
Според проценка на Израелските одбранбени сили (ИДФ) од синоќа, досега се евакуирани повеќе од 350.000 Палестинци од градот Газа во други делови од Појасот.
Се проценува дека илјадници други го напуштиле градот преку ноќ поради силниот бран воздушни напади, изјави извор од ИДФ за „Тајмс оф Израел“.
Изворот додаде дека стапката на заминување на палестинските цивили од Газа веројатно ќе се зголеми како што напредува копнената офанзива на ИДФ против Хамас, која има за цел да го освои градот.
Пред ИДФ да ги започне подготовките за офанзивата, се проценуваше дека околу еден милион Палестинци живеат во Газа. Минатата недела, ИДФ им нареди на Палестинците во сите делови од Газа веднаш да се евакуираат пред офанзивата.
На цивилите им е наредено да се упатат кон „хуманитарна зона“ на југот од Појасот.
השעה 3:00
עינב צנגאוקר, מישל אילוז, ענת אנגרסט, אופיר ברסלבסקי ועוד משפחות הביאו שמיכות ושקי שינה – כי המשטרה לא מאפשרת לבנות אוהלים בשטח – ומתכוונות לעשות פה את הלילה ואולי גם את הימים הקרובים. עינב אומרת שהם לא מתכוונים לעזוב את הכביש pic.twitter.com/PILWqyqBYw
— Bar Peleg (@bar_peleg) September 16, 2025
Родителите на тројца израелски заложници кампуваат во вреќи за спиење пред официјалната резиденција на премиерот Бенјамин Нетанјаху, протестирајќи против окупацијата на Газа од страна на ИДФ. Ним им се придружи таткото на убиениот заложник Гај Илуз и роднините на 48-те заложници кои сè уште се во Газа.
Мајката на еден од заложниците им кажа на новинарите дека семејствата немаат намера да заминат бидејќи се плашат дека воените операции наредени од владата ќе ги загрозат нивните најблиски.
Тие спиеја во вреќи за спиење откако полицијата им забрани да ги поставуваат шаторите на улица.