Спектакуларна операција на бразилската федерална полиција и армија стави крај на потрагата по еден од најопасните луѓе во подземјето во регионот, кога го уапсија Пабло Делгадиљо, кој беше идентификуван како организатор на тројното убиство во Боливија во кое беа убиени Србинот Миљан Ѓекиќ (38), Македонецот Дејанчо Лазаревски (43) од Струмица и Хрватот Марко Шкербец (33), чии тела беа пронајдени врзани во црни вреќи во Санта Круз.
Според сомневањата на обвинителството, Делгадиљо наредил егзекуција за да испрати порака до своите конкуренти и наводно да ја преземе власта од балкански картел за трговија со дрога.
– Делгадиљо наводно бил во војна со балканските картели кои со години ја користат Јужна Америка како главен центар за шверц на кокаин во Европа. Улогата на балканец во трговијата со дрога во Боливија не е нова, но таквата брутална ликвидација на тројцата „војници“ покажува дека пресметките достигнале ново ниво – пишуваат странските медиуми.