Американскиот претседател Доналд Трамп изјави дека ќе нареди интервенција на федералната полиција за борба против криминалот во Чикаго и Балтимор, и покрај силното противење од државните и локалните власти во тие градови.
„Чикаго е многу интересен, бидејќи ги гледав како велат: „Не ни треба помош, безбедни сме“, но пред две недели, шест лица беа убиени, а 24 лица беа застрелани“, рече Трамп без да прецизира точен датум за испраќање на федералните сили, објави Политико.
Претседателот ја пофали градоначалничката на Вашингтон, Мјуриел Баузер, за нејзината соработка со федералните сили, додека го критикуваше демократскиот гувернер на Илиноис, Џ.Б. Прицкер, кој изјави дека криминалот во Чикаго не бара федерална интервенција.