Високиот претставник на ЕУ за надворешни работи и безбедносна политика, Каја Калас, денес изјави дека на Украина итно ѝ е потребна поголема воена поддршка.
„Вчера видовме масовни напади врз Киев, погодена беше и европската делегација. За среќа, никој не беше физички повреден – но сепак, нападите врз Киев покажуваат дека рускиот претседател Владимир Путин само се потсмева на какви било мировни напори што се прават. Она што треба да го направиме е да го зголемиме притисокот врз Русија. Тоа е она што тие навистина го разбираат, притисок“, рече таа пред состанокот на министрите за одбрана на ЕУ, според веб-страницата на ЕУ.
Таа рече дека на денешниот состанок министрите за одбрана на ЕУ ќе се фокусираат на забрзување на воената помош.