Член на Советот за утврдување на системската корист на Исламската Република Иран, Мохамед Садр, ја обвини Русија за предавство поради протекување информации за иранските системи за воздушна одбрана.
Според Садр, 12-дневната војна меѓу Иран и Израел покажа дека стратешкиот сојуз со Русија е всушност безвреден. Тој додаде дека смртта на поранешниот ирански претседател Ебрахим Раиси е атентат зад кој стоеле израелските разузнавачки служби.
Рускиот претседател Владимир Путин и иранскиот претседател Масуд Пезешкијан потпишаа договор за стратешко партнерство меѓу двете земји на 17 јануари во руската престолнина Москва.
Исто така, рускиот претседател Владимир Путин им изјави на руските медиуми дека Иранците по сопствена иницијатива одлучиле дека стратешкиот сојуз меѓу Иран и Русија не треба да се прошири на гаранции за одбрана.
За време на нападот на израелската авијација, бројни и различни системи за воздушна одбрана на иранската армија не успеаја да соборат ниту еден од непријателските авиони.
Во овој поглед, клучна задача на израелските командоси беше да ги уништат радарите за рано предупредување, што Израелците го извршија на терен со голем успех.