Амбасадорот на БиХ во Србија, Александар Врањеш, изјави дека Милорад Додик е сè уште претседател на Република Српска во „полн капацитет“, оценувајќи ја моменталната ситуација како политички мотивиран процес и злоупотреба на судските институции за политички цели.
„Целиот процес е исцениран и политички. Тука гледаме злоупотреба на правните институции заради политички пресметки“, рече Врањеш.
Врањеш особено ги критикуваше постапките на таканаречениот висок претставник Кристијан Шмит, нагласувајќи дека неговото доаѓање во БиХ било „целосно нелегално“ и дека со своите одлуки, надвор од уставните процедури, во траење од четири години, тој ефикасно го суспендирал правниот поредок во земјата.