Играчите на Фулам успеаја да освојат бод против Брајтон, а неколку дена по натпреварот повеќе се зборува за дефанзивецот на лондонскиот тим Калвин Баси отколку за стрелецот на голот за 1:1, Родриго Муниз.
Имено, Баси го одигра целиот натпревар и беше еден од позначајните играчи во редовите на Фулам, и покрај тоа што играше во шорцеви кои постојано му паѓаа од колковите.
How does Calvin Bassey play with his shorts like this 😭😭😭 pic.twitter.com/pYn89maoiE
— george (@StokeyyG2) August 18, 2025
Поточно, во поголемиот дел од натпреварот неговите шорцеви беа спуштени така што неговите боксерки се гледаа, но тоа не го спречи да трча, скока и да ги прави сите работи што ги прават играчите со опрема која е „на место“.
25-годишниот Нигериец победи во четири од девет дуели на земја и во два од три воздушни дуели, а направи само еден фаул во натпреварот и со право стана вистинска ѕвезда на социјалните мрежи.