Првиот натпревар од полуфиналето на КОНКАКАФ Карипскиот куп, помеѓу Сандо (Тринидад и Тобаго) и Маунт Плезант (Јамајка), заврши со резултат 1:1.
Ворнер Браун постигна гол за гостите во 11-тата минута, а Даниел Дејвид израмни во 56-тата минута.
Penalty kick at the Caribbean Cup semifinal
by
u/Tutule in
soccer
Оваа вест можеби и не би била толку интересна, но за нејзиното проширување низ целиот свет се погрижи Трејвон Рид, 26-годишниот играч за врска на Маунт Плезант.
Тајната лежи во неговата исклучително лоша изведба на пеналот во 36-тата минута, во момент кога неговиот тим водеше со 0:1.
Рид зеде долг залет, а потоа околу 15 секунди бавно чекореше кон топката, за на крајот да упати млак удар, речиси по средината на голот, кој 23-годишниот домашен голман Тешорн Рагу лесно го одбрани.
Ова е веројатно еден од најлошите пенали во историјата на фудбалот и набрзо стана предмет на потсмев на интернет.
Реванш натпреварот е закажан за 23 октомври.