Вулкан еруптираше на планината Левотоби Лаки-Лаки во индонезиската покраина Источна Нуса Тенгара, исфрлајќи столб од пепел во висина од над 10 километри, соопшти Индонезиската агенција за вулканологија.
Во последните месеци имаше неколку ерупции, вклучувајќи ја и една на почетокот на јули кога исфрли пепел во висина од 18 километри, што го наруши воздушниот сообраќај кон и од блискиот остров Бали, објави Ројтерс.
Вулканолошката агенција ги предупреди луѓето да останат на шест до седум километри оддалеченост од кратерот и да бидат внимателни на ризикот од лизгање на земјиштето во случај на обилни дождови.
Ерупцијата на вулканот се случи само неколку дена откако мегаземотрес со јачина од 8,8 степени според Рихтеровата скала ја погоди Камчатка, по што следеше и вулканска ерупција на рускиот Далечен Исток.