Денес во 12-от арондисман во Париз избувна голем пожар, кој зафати осумкатна зграда, а околу 180 пожарникари се обидуваат да ги стават пламените под контрола, објавија француските медиуми.
Incendie en cours rue du Charolais #Paris12 bâtiment en construction quasi terminé. Attention à la grue @PompiersParis @Mairie12Paris @prefpolice pic.twitter.com/PYCm2hn4g9
— FBdelaB (@FBdelaB) July 15, 2025
Според првичните информации, никој не е повреден во пожарот, објави Bfm TV.
Според градските власти, зградата е во изградба, а сите вработени на градилиштето беа брзо евакуирани. 60 противпожарни возила учествуваат во гаснењето на пожарот, соопшти противпожарната служба.
Според градската администрација, пожарот избувнал во зграда наречена „Месиже“ на улицата Шарол, според објава на платформата X.
„Пожарникарите се на местото на настанот и се обидуваат да го стават пожарот под контрола. Ве молиме да ја избегнувате оваа област“, соопштија градските власти. Членот на градскиот совет, Емануел Грегоар, им се заблагодари на пожарникарите и другите служби за итни случаи за нивниот брз одговор.
Грегоар, кој се кандидира за градоначалник на Париз, додаде дека пожарот избувнал во зграда во изградба. Зградата требаше да биде завршена во октомври, објави Танјуг.