Членовите на Курдистанската работничка партија (ПКК), која е забранета во Турција, ќе почнат да го предаваат своето оружје во групи во северниот ирачки град Сулејманија во петок, како дел од мировниот процес со Турција.
По јавниот апел на лидерот на ПКК, Абдула Оџалан, упатен во февруари од турскиот затвор каде што отслужува казна, курдските бунтовници на ПКК, кои се во крвав конфликт со Турција повеќе од четири децении, во мај одлучија да се распуштат и да ја прекинат својата борба, објави Ројтерс.
Турската телевизија НТВ претходно објави дека Ибрахим Калин, шефот на турската разузнавачка агенција МИТ, ќе отпатува во Багдад во петок на разговори со ирачките власти за предавање на нивното оружје.
Повеќе од 40.000 луѓе се убиени во конфликтот откако ПКК започна бунт против Турција во 1984 година, првично обидувајќи се да создаде независна курдска држава.