По најновите информации дека кај местото на пожарот во Чучер-Сандево биле фрлени дрвени палети намачкани со бензин, со што очигледно некој намерно сакал повторно да го активира пожарот, ја алармираме јавноста за можна организирана саботажа.
И додека институциите посветено работат на спречување и гаснење на пожарите, зачудува со каква возбуда и злорадост некои структури блиски до СДС се обидуваат да ја претворат оваа елементарна непогода во политичка алатка, велат од ВМРО-ДПМНЕ.
„Со оглед на упорната потреба на СДС да го користи секој инцидент за дневнополитички поени, но и на фактот што подметнувањето пожари станува повторлив модел, ние јавно прашуваме:
– Дали позади овие пожари стојат структури блиски до СДС? Дали ваквите инциденти се обид да се дефокусира јавноста од внатрепартиските расправии, пукнатини и крајниот распад на легитимитетот на нивното раководство? Дали ова е последниот обид на картелот кој ја држеше државата во заробеништво да создаде хаос за да се претстави како „пожарникар“ на проблеми што сам ги создава? Очекуваме институциите да истражат до крај. Но, и граѓаните нека си постават сами едно прашање: кому му одговара Македонија повторно да биде завиена во дим и хаос, велат од партијата.