Христијан Мицкоски е единствениот политичар во Македонија кој директно придонел за понижување на македонскиот јазик и негово бришење од Европскиот парламент.Затоа се поставува прашањето: Дали иницијативите на Мицкоски за “меѓународна верификација” на македонскиот јазик и идентитет се однапред осмислена фарса, смислена да заврши со неуспех, велат од СДСМ.
„Фактите го говорат спротивното од неговата реторика. Еве дел од најзначајните меѓународни потврди на македонскиот идентитет и јазик во времето на СДСМ од 2017 – 2024 година:
-1 август 2017 – Потпишан е Договорот за добрососедство со Бугарија, на македонски јазик.
-17 јуни 2018 – Преспанскиот договор со Грција експлицитно го потврдува македонскиот јазик и идентитет, согласно член 1(3) и член 7.
-2019 година – Обединетите Нации го потврдуваат македонскиот јазик како официјален за меѓународна употреба.
-Јули 2022 – Усвоена е преговарачката рамка со ЕУ, каде јазикот е јасно именуван како „македонски“.
-28 јули 2022 – Регистриран Центарот за македонски јазик во Грција.
-19 март 2023 – Основниот суд во Лерин ги отфрла барањата за укинување на регистрацијата на Центарот.
-15 јуни 2023 – Бундестагот усвојува резолуција за поддршка на македонскиот јазик, култура и идентитет.
-Септември 2023 – Сојузните држави Мичиген и Илиноис прогласуваат месец на македонската култура во САД.
-17 јуни 2024 – Метју Нимиц: „Посебноста на македонскиот јазик е светски призната и потврдена, не може да се преговара за нечиј идентитет“.
Овие факти се доказ за успесите на македонската дипломатија под водство на СДСМ. Сите овие верификации се постигнати низ труд, преговори, и државнички однос кон националните прашања – нешто што Мицкоски очигледно свесно го поткопува а Тимчо Муцунски нема ниту знаење, ниту капацитет, едноставно не го бива.
Македонскиот јазик не се брани со лажни иницијативи и театар, туку со резултати. А Мицкоски треба да сноси одговорност за тоа што прв – и единствен – го избриша македонскиот јазик од Европскиот парламент, тврдат од партијата.