Данската премиерка Мете Фредериксен денес изјави дека данското претседателство со Европската Унија ќе направи сè за да ја поддржи кандидатурата на Украина за членство, оценувајќи дека тоа е „во интерес и на Данска и на цела Европа“.
Фредериксен зборуваше во Архус, каде што Данска го инаугурираше своето шестмесечно претседателство со Советот на ЕУ, во присуство на украинскиот претседател Володимир Зеленски и претседателката на Европската комисија Урсула фон дер Лајен, пишува Вашингтон пост.
„Украина ѝ припаѓа на ЕУ“, рече Фредериксен, додавајќи дека Копенхаген ќе продолжи да ја поддржува Украина во сите клучни области, вклучувајќи ја воената помош, соработката во одбранбената индустрија и притисокот врз Русија преку нови санкции.