Израелскиот премиер Бенјамин Нетанјаху потврди дека ги таргетирале нуклеарните цели во Иран и најави дека операцијата ќе продолжи.
Prime Minister Netanyahu:
"Moments ago, Israel launched Operation Rising Lion, a targeted military operation to roll back the Iranian threat to Israel's very survival.This operation will continue for as many days as it takes to remove this threat." pic.twitter.com/3c8oF1GCYa
— Prime Minister of Israel (@IsraeliPM) June 13, 2025
„Пред неколку моменти, Израел започна целна воена операција за неутрализирање на иранската закана за самиот опстанок на Израел“, рече Нетанјаху во телевизиско обраќање.
„Оваа операција ќе продолжи онолку дена колку што е потребно за да се елиминира оваа закана. Со децении, тираните во Техеран отворено и дрско повикуваат на уништување на Израел“, рече тој.
Тој потсети дека Иран има програма за нуклеарно оружје и предупреди дека Иранците би можеле да „произведат нуклеарно оружје“ ако не бидат запрени.
„Ова е јасна и непосредна опасност за самиот опстанок на Израел“, истакна тој.
„Удривме во срцето на иранската програма за нуклеарно оружје. Го таргетиравме главниот објект за збогатување ураниум на Иран во Натанц. Ги таргетиравме иранските нуклеарни научници кои работат на иранската бомба. Го погодивме и срцето на иранската програма за балистички ракети“, рече тој.
„Бранејќи се себеси, ги браниме другите. Ги браниме нашите арапски соседи. И тие страдаа од хаосот и крвопролевањето на Иран“, заклучи тој.