Портпаролот на Израелските одбранбени сили потврди дека Израел започнал „превентивна, прецизна, комбинирана офанзива“ за напад врз нуклеарната програма на Иран.
Тој додаде дека нападите биле одговор на „континуираната агресија на иранскиот режим против Израел“.
Десетици израелски авиони биле вклучени во „првата фаза“ од нападите врз „нуклеарни цели“ во различни области на Иран, се вели во соопштението. Не е прецизирано дали ќе бидат извршени повеќе напади.
„Денес, Иран е поблиску од кога било до добивање нуклеарно оружје. Оружјето за масовно уништување во рацете на иранскиот режим е егзистенцијална закана за Државата Израел и значителна закана за поширокиот свет“, рече портпаролот.
Тој нагласи дека израелската војска е „подготвена да продолжи да дејствува доколку е потребно“.
Неименуван висок израелски воен функционер изјави за Би-Би-Си дека Иран има доволно нуклеарен материјал за да создаде нуклеарни бомби „во рок од неколку дена“. Тој тврди дека во последните месеци се направени тајни обиди за склопување нуклеарни бомби.