Американскиот претседател Доналд Трамп изјави дека демонстрантите во Лос Анџелес „имаат тенденција да плукаат во лице“ на членовите на Националната гарда кои беа испратени во градот за да ги задушат немирите и дека членовите на Гардата ќе одговорат со „удирање“.
„Ако плукаат, ние ќе удриме. Оние кои се вклучени во немирите имаат тенденција да плукаат во лице на членовите на Националната гарда и другите. На овие патриоти им се вели да го прифатат тоа, така функционира животот. Но, не и во администрацијата на Трамп. Ако плукаат, ние ќе удриме и ви ветувам дека ќе бидат погодени посилно од кога било досега. Такво непочитување нема да се толерира“, рече Трамп во објава на неговата социјална мрежа Truth Social.
Трамп го обвини демократскиот гувернер на Калифорнија, Гевин Њусом, дека ги инспирирал „катастрофалните немири“ во Лос Анџелес, што доведоа до распоредување на Националната гарда на Калифорнија во градот.
Немирите во делови од Лос Анџелес избувнаа како одговор на дејствијата на американската Служба за имиграција и царина (ICE), која изврши рации во фирми во потрага по нелегални работници или имигранти.