Во Европскиот парламент во Стразбур е изложен сатиричен кип на американскиот претседател Доналд Трамп. Скулптурата висока два и пол метри, дело на данскиот уметник Јенс Галшиот, го прикажува голиот Трамп со долга палка за голф на рамениците на значително помал човек кој се тетерави под неговата тежина.
Apparently, there’s a REAL threat called “The Orange Plague.”
That’s according to a Danish artist, who blames Trump for blocking efforts to fight climate change.
His remedy? A gold-coated statue of a naked Trump on display at the European Parliament in Strasbourg. https://t.co/bWP3cm3cVk
— Beyond the Narrative (@BtN_Posts) October 7, 2026
Делото е обложено со 23-каратно злато и го носи називот „Портокаловата чума“, а познато е и како „Кралот на неправдата“. Придружниот текст го цитира „кралот“: „Ќе направам сè за да му помогнам. Освен што нема да му се симнам од грб“.
Уметникот објасни дека скулптурата е директна критика на односот на Трамп кон борбата против климатските промени.
Кипот е поставен во преминот што ги поврзува двете згради на Европскиот парламент и ќе остане изложен до четврток.
Данскиот европратеник Пер Клаусен, кој го организирал поставувањето на скулптурата, рече дека не е загрижен поради можна реакција од американскиот претседател.
„Ако некој е толку чувствителен што не може да поднесе оваа скулптура да биде изложена во Европскиот парламент, тогаш не му е местото на светската сцена“, рече Клаусен.
Трамп досега не го коментирал делото, кое претходно било изложено во повеќе европски градови, како и на климатската конференција на ОН COP30 во бразилски Белем.