Две лица се повредени во напад со беспилотно летало во областа Тула, додека силите за воздушна одбрана го одбиле десеттиот бран воздушни напади, изјави шефот на регионот Дмитриј Миљаев.
Нападот се случил во Пролетерскиот округ Тула, каде што беспилотно летало удрило во покривот на станбена зграда, јави Тасс.
Оштетени се и станбени и деловни објекти поради паѓање на остатоци од дрон. Миљаев изјави дека се повредени две лица, кои се здобиле со полесни повреди и веднаш им била укажана лекарска помош.
Службите за итни случаи работат на местото на настанот, а гувернерот додаде дека останува заканата од дополнителни напади со беспилотни летала во регионот.
Во меѓувреме, во Москва, градоначалникот Сергеј Собјанин изјави дека силите за воздушна одбрана уништиле 35 беспилотни летала кои летале кон главниот град.
Руските сили утринава го гранатираа квартот Днипровски во Херсон, при што загина 85-годишна жена, објави воената управа на градот Hерсон на Телеграм.
Нападот се случил утрово околу 5 часот и 40 минути, кога жената била во нејзиниот дом, објави Укринформ.
Руските сили во текот на ноќта го нападнаа и Харков, при што две лица беа повредени, а осум куќи беа оштетени.