МВР извести дека ноќеска во СВР Битола e пријавено дека на ул.„Леринска” се опожарени возило „тојота рав 4“ сопственост на приватна фирма, а го користела С.К. од Битола, возило „фолксваген пасат“ сопственост на приватна фирма и возило „дачиа логан“ со скопски регистарски ознаки, сопственост на фирма. Пожарот е изгаснат од екипа на Територијалната противпожарна единица Битола, а повредени лица нема. Увид извршила увидна екипа на СВР Битола и се преземаат мерки за расчистување на настанот.
