Русија рано утринава изврши напад со беспилотни летала врз Киев, објави градоначалникот на украинската престолнина Виталиј Кличко.
Британскиот весник „Индипендент“ наведува дека воздушните напади следеле само неколку часа откако рускиот претседател Владимир Путин предложил обновување на директните преговори со Украина.
New airstrike on Kyiv says the capital’s mayor
On the night of Saturday and Sunday, the Ukrainian capital Kyiv was hit by a Russian airstrike. Kyiv’s mayor said, according to Reuters. The attack came just hours after Russian President Vladimir Putin proposed direct talks with… pic.twitter.com/o4EzriWJlc
— benny 🇩🇰 🇫🇴 🇬🇱 🇪🇺 🇺🇦 (@benny0692698414) May 11, 2025
Агенцијата ја пренесува изјавата на Кличко дека украинските единици за воздушна одбрана се обидуваат да го одбијат рускиот напад.
Агенцијата објави изјави на очевидци за експлозиите во Киев, за кои се верува дека се предизвикани од системи за противвоздушна одбрана.
Се вели дека нападот се случил откако Украина, европските лидери и американскиот претседател Доналд Трамп претходно се договорија за безусловен прекин на огнот меѓу украинската и руската страна на 30 дена.
Се потсетува дека Путин тогаш предложи одржување директни разговори „без предуслови“ на 15 мај во најголемиот турски град Истанбул.
Лидерите на Велика Британија, Франција, Германија, Полска и Украина вчера по состанокот во Киев објавија план за 30-дневен прекин на огнот во Украина.
Индипендент потсетува дека му се заканиле на Путин со нови „огромни санкции“ доколку не ги почитува.
По средбата европските лидери имаа заеднички телефонски разговор со Трамп.
Портпаролот на Кремљ – Дмитриј Песков накратко го коментираше овој ултиматум.
– Мора да размислиме за тоа. Ова се нови случувања. Ние имаме свој став – изјави портпаролот на Путин.