Силни експлозии се слушнаа низ градот Сринагар во индискиот дел на Кашмир само неколку часа откако беше прогласен прекин на огнот меѓу Индија и Пакистан.
„Што по ѓаволите штотуку се случи со прекинот на огнот? Експлозии се слушаат низ целиот Сринагар“, рече Омар Абдула, главниот министер на Џаму и Кашмир, во објава на платформата X.
This is no ceasefire. The air defence units in the middle of Srinagar just opened up. pic.twitter.com/HjRh2V3iNW
— Omar Abdullah (@OmarAbdullah) May 10, 2025
Индискиот политичар Харш Сангави објави: „Неколку беспилотни летала се забележани во областа Куч. Сега ќе биде наметнато целосно затемнување. Ве молиме бидете безбедни, не паничете“.
Министерот за образование во пакистанскиот дел на Кашмир најави дека продолжуваат судирите долж де факто границата со Индија.
Соработник на Си-Ен-Ен објави серија експлозии вечерва по локално време, проследени со прекин на електричната енергија. Причината за експлозиите се уште не е јасна.