Претседателот на Република Српска, Милорад Додик, денес во Бања Лука изјави дека владејачката коалиција во Република Српска се согласува дека нелегитимноста на Кристијан Шмит ја води БиХ во авантура и дека затоа таа се распаѓа.
„Инструментализацијата на нелегалните судови и обвинителства на БиХ води кон ова. Сигурно е дека сите институции што не се предвидени со Уставот на БиХ треба да бидат укинати“, рече Додик на прес-конференција по состанокот со претставници на политичките партии што го сочинуваат владејачкото мнозинство во Република Српска.
Тој потсети дека Уставот на БиХ не ги вклучува Агенцијата за истраги и заштита (СИП), Високиот судски и обвинителски совет (ВСО), Судот и Обвинителството на БиХ, што значи дека тие се вонуставни.