Ројтерс објави дека конклавата, тајниот процес во кој кардиналите избираат нов папа, започнува на 7 мај.
Конклавата е вековна традиција на избор на папа, која се одржува во Систинската капела во Ватикан. Гласањето се спроведува тајно. Секој кардинал го пишува името на кандидатот на посебно парче хартија, потоа го става на послужавник и го става во урната. Можат да се одржат максимум четири гласања дневно, две наутро и две попладне, сè додека еден од кандидатите не го добие потребното двотретинско мнозинство.
По секој круг гласање, гласачките ливчиња се горат во посебна печка. Доколку папата не е избран, чадот од Сикстинската капела е црн, што им дава до знаење на собраните на плоштадот „Свети Петар“ дека нов папа сè уште не е избран. Кога изборите се успешни, од оџакот се крева бел чад, знак дека Католичката црква има нов поглавар.
По изборот, избраниот кардинал е прашан дали го прифаќа изборот. Ако прифати, веднаш го избира своето папско име, а потоа се подготвува за својата прва јавна презентација.
Во моментот кога сè е подготвено, кардиналот протоѓакон излегува на балконот од базиликата „Свети Петар“ и им ја објавува познатата реченица на собраните луѓе: „Habemus Papam!“ („Имаме папа!“). Потоа новиот папа излегува на балконот и го дава својот прв апостолски благослов „Urbi et Orbi“ – на градот и на светот.