Левица: Приватизација на културното наследство е закана за идентитетот

Од:

Во очи на светскиот ден за заштита на културното наследство, 18 април, министерот за култура Зоран Љутков изјави дека планот на владата на ДПМНЕ-ЗНАМ-ВРЕДИ е да го приватизира културното наследство, што ќе рече да даде на приватниот капитал да ни ја раскажува историјата, да ни го обликува идентитетот. Зборовите на Љутков на дело беа покажани уште наредниот ден кога во јавноста одекна дека Општина Штип го продала хотелот „Гарни“, заштитен споменик од прва категорија, за 250.000 евра на фирмата „Памвеј инвест“, откако претходно и бил понуден на државата, а државата се откажала.

Љутков наговести измени во Законот за заштита на културно наследство со кои ќе се овозможи владините институции да го префрлат управувањето, а со тоа и економската експлоатација на културното наследство на приватни бизниси. Или, како што истакна „решението за тридеценискито неефикасно претставување на културното наследство е да се дозволи приватни фирми од него да прават бизнис“. Со ваквите измени она што е по дефиниција заедничко и заштитено јавно добро ќе го претворат во производ од кој ќар ќе имаат мала група бизнисмени и олигаси, а културните добра ќе станат уште понедостапни за народот.

Левица бара Љутков и ДПМНЕ да не си играат со културното наследство заради задоволување нечии апетити. Наместо приватизација, треба да се вложуваат ресурси во заштита, дигитализација и промоција на културното наследство преку јавни политики, соработка со експерти и вклучување на заедниците. Алтернативи како јавно-приватни партнерства со строго дефинирани услови може да бидат компромисно решение, но секогаш под надзор на релевантни институции.

Културното наследство не смее да се третира како пазарна стока. Неговата вредност не е економска, туку цивилизациска. Приватизацијата, во својата суштина, претставува закана за идентитетот, колективната меморија и културната автономија на едно општество, реагираат од Левица.

Би можело да ве интересира

Левица: Зошто обвинителот Арнаудоски сѐ уште го води предметот за Сара – кој ќе ја испита неговата непристрасност и интегритет?

Левица: ОЈОГОКК бара докази за истепаниот малолетник во Охрид – Внатрешна контрола и Тошковски ја саботираат постапката

Горан Наумовски

Левица: Факултетите и Ректоратот на УКИМ во мрак, Пошта и културните установи под закана од истата судбина

А1он

(ФОТО) Левица: Полициско насилство врз малолетници во Охрид – Tошковски молчи

А1он

За закана кон Мицкоски притвор, за претепувањето на Сара не – Левица обвинува за селективност на институциите

Катерина Ѓуровски

Левица бара одговорност од полицијата, Обвинителството и судот за постапувањето во случајот со претепаната Сара од Охрид