Германската конзервативна партија ЦСУ го одобри коалицискиот договор со нејзината сестринска партија ЦДУ и Социјалдемократите (СПД), еден ден откако ја претстави програмата за заживување на економскиот раст во најголемата европска економија и заземањето построг став кон миграцијата.
„Коалицискиот договор е дизајниран да биде курс за рехабилитација и фитнес програма за нашата земја“, рече лидерот на ЦСУ, Маркус Седер, додавајќи дека извршната и парламентарната група на партијата едногласно ја усвоиле програмата.
Конзервативната алијанса ЦДУ/ЦСУ победи на сојузните избори на 26 февруари, а претходната влада ја предводеше социјалдемократот Олаф Шолц.
Успех на изборите постигна и крајнодесничарската Алтернатива за Германија (АфД), но конзервативците ја отфрлија можноста за коалицирање со таа партија, пренесува Танјуг.