Почнаа да пристигнуваат првите официјални реакции од Кина за американските царини од 104 отсто воведени за кинески стоки.
„САД продолжуваат да ги злоупотребуваат царините за да извршат притисок врз Кина. Кина цврсто се спротивставува на тоа и никогаш нема да го прифати овој облик на насилничко однесување“, изјави на денешната прес-конференција портпаролот на кинеското Министерство за надворешни работи, Лин Џијан.
Тој додаде дека ако САД навистина сакаат да ги решат проблемите преку дијалог и преговори, треба да усвојат „став на еднаквост, почитување и взаемна корист“.
„Кина ќе продолжи да презема решителни и ефективни мерки за заштита на своите права и интереси“, рече Лин.