Американскиот претседател Доналд Трамп тврди дека Кина е многу потешко погодена од американските царини од 54 отсто, отколку што Америка ќе биде погодена од кинеските царини од 34 отсто, кои стапуваат на сила на 10 април.
Трамп на својата социјална мрежа Truth Social напиша дека Кина и многу други земји „се однесувале лошо“ кон САД, но дека Америка сега ќе победи во она што тој го нарече економска револуција.
Тој посочи дека работните места сега се враќаат во САД и дека веќе има пет трилиони долари инвестиции.