Најзагаден воздух во Европа има во Бугарија, а на второ место е Полска, се наведува во извештајот на Европската агенција за животна средина.
Во Бугарија се измерени највисоките концентрации на двата основни загадувачи на атмосферата од оџаците, автомобилските издувни гасови и други извори. Во Бугарија измерена е највисока концентрација на јаглерод моноксид и на сулфур диоксид.
Според извештајот од петте најзагадени европски градови четири се во Бугарија, на прво место е Перник.
Според озонското загадување на прво место се градовите од Северна Италија. Извештајот е заснован на мерења во 38 европски држави во периодот од 2002 до 2011 година.