Градоначалникот на Куманово, Зоран Дамјановски и претставници од локалната самоуправа, денес во подрачното основно училиште „Кочо Рацин“, во село Орашац свечено отворија спортско игралиште.
На пригодната свеченост Дамјановски истакна дека станува збор за терен кој што е од големо значење за училиштето, кое што брои 36 ученици.
-Состојбата со финансиите на локалната самоуправа е позната, поради сите услови на владата. Не сме во можност целосно да ги исполнуваме нашите заложби, но сега може да се извршува наставата за физичко образование, како и да се рекреираат младите од овој крај – изјави градоначалникот и додаде дека ќе продолжат со реконструкции на училиштето.
Игралиштето е во големина од 900 метри квадратни, а за истото се издвоени околу 22 илјади евра. Директор на училиштето, Драгиша Цветковиќ изрази благодарност и истакна дека овој спортски терен е од големо значење за учениците, но и за самото месно население.
Елена Георгиевска