Во рафинеријата ОКТА денеска беше пуштен во функција подземниот дренажен канал со должина од 600 метри до населеното место Бујковци и ОКТА со кој се регулира нивото на подземните води.
„Со инвестиција од над 80 илјади евра се спречува можноста од поплавување на имотите и домаќинствата во Бујковци. Истовремено, доколку се укаже потреба постои можност за пречистување на овие води преку пречистителната станица на ОКТА со што значително се придонесува за почиста и поздрава животна средина“, рече главниот извршен диркетор на ОКТА Атанасиос Паспалиарис по пуштањето на каналот во функција.
Жителите од Бујковци се задоволни од разбирањето на нивните проблеми од страна на новиот директор на ОКТА, но сметаат дека дренажниот канал нема да ги реши нивните проблеми, бидејќи и во моментов има вода во нивните подруми. Велат дека не е ископан каде што треба и посочуваат дека никој нив не ги прашал каде треба да се направи.