Генералниот секретар на ОН Бан Ки Мун , по работниот ден во Охрид и разговорите и прес конференцијата со претседателот Горѓи Иванов заминува во Скопје каде ќе одржи говор во Собранието, а ќе има средби и со претседателите на Собранието и на Владата .
Според најавите и очекувањата спорот со името да биде доминантно прашање.
Првиот човек на светската организација е придружуван од посредникот на ОН во спорот за името со Грција Метју Нимиц, и не се очекува нов конретен предлог од Нимиц, за решавање на спорот со името. Од Нимиц се очекува да помогне за да има динамичен дијалог. Ова вчера и го побарал премиерот Никола Груевски на заедничкиот ручек со посредникот Метју Нимиц во скопското кафуле „Тренд“.
Груевски на Нимиц му пренел дека силно го поддржува неговиот мандат и изразил подготвеност за директни средби на највисоко ниво со грчката страна, за да се изгради позитивна атмосфера и добар амбиент за решавање на спорот.
Според најавите на средбите ќе стане збор и за грижата за Охрид како светско културно и природно богатство заштитено од УНЕСКО.