На првите две тренинг возења пред трката од шампионатот во Формула 1 за Големата награда на Јужна Кореја најдобар резултат оствари Британецот Луис Хамилтон од „Мерцедес“.
Тој во првата тренинг сесија извозе најбрз круг со време 1:38.781, додека на вториот тренинг возеше круг со најдобро време 1:39.630.
Втор најдобар резултат постигна светскиот шампион, германскиот пилот Себастијан Фетел од „Ред Бул“ со 11 стотинки заостанување зад Хамилтон.
Нико Розберг од „Мерцедес“ имаше трето најбрзо време 1:38.797.
Утре ќе се возат квалификациите по кои ќе се знаат стартните позиции на главната трка закажана за в недела во 8 часот по средноевропско време.