Тренерот на фудбалскиот клуб Челзи, Жозе Мурињо изјави дека неговиот тим се уште не е доволно силен за да може да доминира на секој натпревар во Премиер лигата.
-Секоја недела некој ќе губи поени. Арсенал изгуби во првото коло, Манчестер сити во второто, а Манчестер јунајтед и ние во третото. Моментално не сме доволно силни, за да можеме да доминираме на секоја средба и да победуваме во низа-рече Мурињо и додаде дека очекува првенството да биде неизвесно до крај.
Тој наведе дека верува дека лигата ќе биде отворена до крај.
-Манчестер јунајтед и ние имавме потежок распоред на почетокот на првенството. До крајот на ноември секој ќе игра со секого и тогаш ќе видиме дали некој се издвојува-изјави Мурињо.
Челзи е на петтото место во Премиер лигата со три победи, два нерешени натпревари и еден пораз. Лондонскиот клуб во недела ќе се сретне со Норвич.
Елена Георгиевска