Во Дебар нема судски извршител, а за оваа професија засега нема заинтересирани.
Претседателот на Основниот суд во Дебар, Мерсим Марку изјави дека младите правници воопшто не се заинтересирани за оваа професија.
– Никој од младите правници не полага испит за извршител, а лично сметам дека младите колеги треба да се интересираат и за оваа професија, вели Марку.
Општината Дебар и Центар Жупа ги покрива извршител од Струга.
Според Марку, нема заинтерсираност и за конкурирање на Академијата за судии и јавни обвинители. За жал, вели тој, од Дебар досега само еден правник конкурирал на Академијата.